Байрам менән, балалар

Байрам менән, балалар!Йәйҙең беренсе көнөндә илебеҙҙә һәм бөтә донъяла үҙенсәлекле байрамдарҙың береһе – Халыҡ-ара балаларҙы яҡлау көнө билдәләнә.
Шатлыҡ-ҡыуаныстарға тулы бала саҡтан да гүзәл мәл юҡ. Бала саҡты бәхетле итеү -һәр ғаиләнең, йәмғиәттең һәм дәүләттең бурысы. Бала­ларҙы һөйөүгә һәм хәстәргә сорна­ғыҙ, күңел йылығыҙҙы һәм иғти­барығыҙҙы йәл­ләмәгеҙ, яуызлыҡтан, насар­лыҡтан һаҡлағыҙ. Шул ва­ҡытта беҙҙең балалар һау-сәләмәт, шат, уңышлы бу­лыр, беҙҙең яҡты өмөттәрҙе аҡлар!
Менә шундай нийәттәр менән беҙҙә Аллағыуат ауылы мәҙәниәт йорто алдында бик күркәм байрам ойошторҙоҡ балалар өсөн. Балаларҙы ҡотлау өсөн Тайыштабан айыу  һәм Шешkoлаk kуян  килделәр. Бергәләшеп төрлө уйындар уйнаныҡ, ярыштыҡ. Һәм шулай уҡ ғәилә йылына ҡарата шиғырҙар һөйләнде, матур ғына итеп һәр кем үҙ ғаиләһе хаҡында һөйләп тә китте. Бик күңелле аралаштыҡ балалалар менән, һуңынан тәмлекәстәр менән тәмле һыуҙар эсереп һәм дискотека ойошторҙоҡ. Балаларға бөгөн күрһәтелгән хәстәр, иғтибар һәм һөйөү киләсәктә ата-әсәләргә, туғандарға, яҡын­дарға, тирә-яҡтағыларға һәм Вата­ны­быҙға һөйөү бу­лып әйләнеп ҡайтһын.
Ҡәҙерле һәм һөйөклө ба­лалар! Һеҙҙе ҡайнар йө­рәктән Халыҡ-ара балаларҙы яҡлау көнө менән ихлас ҡотлайбыҙ. Һәр көнөгөҙ бәхетле булһын, был көндө һәр йорт балалар йыл­майыуына һәм шат­лығы­на күмелһен! Барығыҙға ла бәхет, сәләмәтлек һәм ғаилә имен­ле­ге теләйбеҙ.