Интеллектуаль яҡтан да үҫешергә тейешлеген оноторға ярамай
24 августа 2023
Оҙайлы йәйге каникулдар осоронда балаларҙың физик яҡтан ғына түгел, интеллектуаль яҡтан да үҫешергә тейешлеген оноторға ярамай. Был йәһәттән шашка, шахмат уйындары бик файҙалы. Бындай интеллектуаль уйындар балаларҙа хәтер, иғтибар, сыҙамлылыҡ, алдан күрә белеү кеүек яҡшы сифаттарҙы үҫтерә. 22 августа Табылды ауыл клубының баҡсаһында, асыҡ һауала балалар шашка, шахмат уйнап күңелле ял иттеләр. Саляхов Денис һәм Марат, Умаров Алим, Ибрагимов Мурат яҡшы уйынсы икәнлектәрен күрһәттеләр.
